FK Vang - Ø.Slidre/Rogne: 2-4 (2-1)

PUBLISERT 3. juni 2022

Tveit stadion kunstgras, fredag 3. juni kl. 19.00.
Dommer: Morten Huset, Aurdal Leira.
Speaker: Ordfører Vidar Eltun.
Kamvert Kai Rune Hemsing.
Publikum: 70 stk.

FK Vang var gode i kveld, med tanke på store forandringer i troppen i forhold til sist kamp.
Kampen i kveld vart avgjort på slutten og burde ha bikka heimelaget sin veg med tanke på spel og sjanser.

Fyrste omgangen starter bra av FK Vang som er det klart beste laget heile omgangen.
Haakon Wahlquist scorar FK Vang sitt fyrste mål på nydeleg vis etter assist frå Even Neshagen (konfirmant på søndag) i det 16.minutt.
Eivind Bakkene går ut for å ta corner frå vår høgreside i det 36. minutt, han skrur corneren rett i mål, kanskje via ein frå gjestene men Eivind blir kreditert scoringa.
Heimelaget er klart best og skaper 5 gode sjanser denne omgangen, men står med 2 mål på blokka til pause. Heddinga i stanga fra Piotrek etter langt frispark fra Kasper er stor.
Ø. Slidre er rett og slett dårlige denne omgangen, men får litt energi med ei lettkjøpt straffe minuttet før pause. Straffa er vel det dei har denne omgangen.

FK Vang er godt tilfreds i pausa, gjengen maner opp til god innsats siste omgangen og styrer egentlig kampen også store deler av 2. omgang.
Fem sjanser er notert også denne omgangen, men ingen mål desverre. Ø.Slidre får utligninga i det 80. minutt og det står 2-2 i kampen. Etter dette har FK Vang nokre giga sjanser, men avsluttningane må koma på mål også når det berre er å plassere ballen i åpent mål.
Det blir litt Hawaii på slutten når begge laga øyner 3 poeng, Ø.Slidre dreg ufortjent det lengste strået og vinn kampen med scoring nummer 3 og 4 i det 89. og 90. minutt.

Moro med fotball er det uansett når laget presterer bra, spelarane hadde virkeleg fortjent 3 poeng i kveld.

Laget: Kjell Magne, Emran, Thomas, Andris, Olav, Even, Kasper, Piotrek, Eivind, Tobias, Haakon, Kabid, Andreas, Adrian og Ole Andreas.

Thomas Hilmen vart kåra til FK Vang sin beste spelar i kveld, Thomas som bur og trener i storbyen var stor i kveld og me håper han får tid å vera med også framover. Piotrek Waclawski fekk sølvplassen i kåringa, Piotrek er meget teknisk og skaper mange sjanser for laget med sin framdrift. 3. plassen tilfaller kaptein Kasper Kjeldsen som alltid har gode kamper for FK Vang.
Olav Almenning, Tobias Kassel og Andris Løken Helle fortjener også omtale. Olav har ein stor kamp igjen på sin bekkplass, Tobias Kassel er eit rivjern offensivt og Andris storspelar i forsvaret. 

Takk igjen til publikum, håper mange tek turen neste fredag då Vest Torpa gjester Tveit til samme tid.