FK Vang - Dokka SK: 0-2 (0-1)

PUBLISERT 7. september 2013

Tveit stadion kunstgras laurdag 7 september kl. 15.00
Dommar: John Sigurd Holtesmo, Faaberg fotball
Speaker: Vidar Eltun.
Publikum: ca. 40 stk

FK Vang gratulerer Dokka med seriegull, og ynskjer dei lykke til i 4. divisjon 2014.
Poenga burde FK Vang fått med seg i dagens kamp, men dengang ei.
Sjansestatistikken enda 8-5 i FK Vang sin favør og cornerstatistikken enda 13-5 i samme lag sin favør. Stengene redda Dokka to gonger i andre omgangen, men ballen ville ikkje inn i mål for vertane.

Det var lenge stillingskrig dei fyrste 45 minutta og begge lag skapte ikkje mykja framfør mål. Det vart notert 2 sjanser til begge lag, og Dokka SK klarer å score på ei av sine to sjanser, etter ein corner. Ein Dokaspelar får stå umarkert i feltet og banke inn leinga då det står 35 minutt på kampuret. Dårleg markering frå FK Vang og då blir me straffa hardt og brutalt.
Dokka har også ein meget god spelar i nr. 8, han får vinne for mange andreballar i fyrste omgangen og styre for mykje av midtbanen. Denne spelaren bør kanskje prøve seg i høgare divisjoner, han vil ganske sikkert også bli god der.
   
FK Vang var i pausa fast bestemt på at Dokka ikkje skulle få smelle med champiskorken etter kampen, og hadde ein god andreomgang sjølv om laget tapte også den med 0-1.
Dokka sin gode kaptein starter andre omgangen på best muleg vis då han kun etter 2 minutt gjer ein god soloprestasjon og forserar gjennom vårt forsvar og scorar frå meget skrå vinkel. Verst tenkelige start for våre menn og sikkert ein knall følelse for Dokka.
FK Vang er det klart beste laget i andre omgangen, men klarer ikkje å omseta sjansene i mål sjølv om mange av dei er meget store. Ni cornera og fleire frispark i farlege posisjonar blir alle redda av gode forsvarsprestasjonar eller dei omtala stengene eller rett og slett slurva bort frå oss.
Det er surt å ikkje få uttelling, men slik har det vore for FK Vang i enkelte kampar i år.
Poenga me så ufortjent missa i vårsesongen vart avgjerande i sluttspurten av årets sesong.
Kim Bøland vart kåra til FK Vang sin beste spelar, tett fulgt av Bjørnar Hermundstad. Dei to med navn Erik i vårt lag, Sanne og Martinsen endte på delt tredjeplass i kåringa.

Laget:
Jarle H, Kristoffer Kvale, Bjørnar, Kasper, Erik M, Kim B, Sverre, Erik S, Tor Andre, Vegard K E, Kai Arne K, Kim K, Øyvind, Eirik, Vegard E og Stein Ivar.

Trening neste veke: Torsdag kl. 19.30