FK Vang - Kolbu KK: 1-4 (1-2)

PUBLISERT 22. april 2016

Tveit stadion kunstgras, fredag 22 april kl. 19.30
Dommar: Nils Arne Solberg
Assisentar: Svenn Olav Fossholt og Svein Erik Slåttsveen
Speaker: Ordfører i Vang, Vidar Eltun 
Publikum: 40 stk.

FK Vang er rimelig godt fornøyd med seriestarten der me møter Kolbu KK, som i 2015 spelte i 3. div., og i år er ein av favorittane i denne avdelinga.
Heimelaget er absolutt med og skaper 5-6 gode sjanser i løpet av kampen. 

Kolbu KK får sidevalget i kveldens flomlyskamp og får vinden med seg dei fyrste 45 minutta, det er stillingskrig store deler av denne omgangen sjølv om dei får mange cornera i medvinden.
12 minutt er gått av kampen då årets fyrste mål blir scora på Tveit stadion, det er Kolbu KK som går opp i leiing etter ein corner og litt klabb og babb i feltet.
Kun 2 minutt etter dette er Simen Strandbråten frampå og lurer midtforsvaret til gjestene og knaller inn 1-1. Supert mål, framspelet hadde Tore Gjevre Haugen.
Kolbu KK får si andre scoring når 33 minutt er gått, også denne etter ein corner.
Omgangen ebber ut med 1-2 til gjestene.

FK Vang legg opp til ein omgang med medvind i sin favør, men vinden roar seg i andre omgang så den blir ingen fordel.
Kolbu KK er best denne omgangen, sjølv om heimelaget har sine muligheter og er med.
Straffa som blir dømt mot oss kun 7 minutt ut i omgangen er vel heller tvisom, men dømt er dømt og mål blir det.
FK Vang har ei hedding i tverrliggaren og eit par andre gode muligheter, men scorar ikkje meir mål.
Kolbu KK får eit til like før slutt, også det etter ein corner.

Laget: Ivar, Håvard, Kasper, Thomas, Tore, Sverre, Øyvind, Vegard K, Kim B, Kim K, Simen, Eirik, Kai Arne S og Kai Arne K. 

Thomas Hilmen blir kåra til FK Vang sin beste spelar, Thomas styrer og les spelet godt og er ein stødig kaptein for FK Vang.
Simen Strandbråten får sølvplassen i kåringa, Simen er komen som bestilt til FK Vang og er ein trussel for Kolbu sitt forsvar heile kampen.
Slitaren Kim Bøland får bronse i kåringa, Kim har ikkje fått trena så mykje i vinter men viljen og innsatsen er der.
Ellers må Ivar Kamrud nevnas, han står godt i målet og gjer få feil. Godt me har Ivar nå i og med at Jarle Haugrud fekk ei skade rett før seriestart.

Trening framover: Tysdager kl. 19.30