Vind - FK Vang: 3-1 (2-1)
PUBLISERT 17. juni 2016
Vind kunstgress fredag 17 juni kl. 19.00
Dommar: Knut Storvik
Assistentar: Jan Erik Haugom og Mauricio Riquelme Quijon
Speaker: Ja
Publikum: ca. 20 stk.
To null til Vind etter 3 minutt pga sløvheit bakover i FK Vang var
på ingen måte planlagt før start. Gjestene kom seg etter kvart over
sjokket og var det beste laget siste halvtimen av fyrste
omgang.
Med to mål i sekken etter så kort tid blir det vanlegvis tungt,
men FK Vang var gode og kom bra tilbake før pause.
Seks gode sjanser til FK Vang er notert på blokka før pause og det
er både uflaks og litt vår eigen skuld at det står 2-1 til Vind når
dommaren bles inn for halv tid.
Simen Strandbråten er frampå og scorar FK Vang sitt mål i det 33.
minutt, avsluttinga går mellom føtene på Vind sin keeper og i
nettet. Vegard Kjøs Egge har assisten på scoringa.
Etter dette har FK Vang to situasjoner der me er åleine mot keeper
og eit frispark som går i tverrliggaren. Vind har også sine
muligheter denne omgangen, men det hadde ikkje vært ufortjent med
ledelse til gjestene.
Andre omgangen startar med stillingskrig og ingen av laga klarer å
produsere store sjanser.
Vind får frispark nesten ved cornerflagget på si høgre side når
omgangen er halvspelt. Frisparket blir slått mot bakre stolpe, og
der får Vind sin største spelar gå opp åleine og 3-1 blir
notert.
FK Vang har to sjanser etter dette, men makter ikkje å score fleire
mål.
Også i denne kampen hadde FK Vang store utskiftingar i laget i
forhold til forrige veke.
Laget: Jarle, Henning, Kasper, Tore, Erik, Sverre, Vegard
K, Øyvind, Eirik, Kim K, Simen, Rudi og Ivar
Dagens mann i FK Vang vart Kasper Kjeldsen, Kasper trør til og
er solid i alle kampar. Simen Strandbråten blir kåra til nr. 2 og
scorar eit fint mål. Øyvind Kjøs Egge er kaptein i kveld og sjef på
midten, han får tredje plassen i avstemminga.
Alt i alt ein rimelig god kamp av FK Vang når ein ser bort i frå
starten.
Trening kl. 19.30 på måndag.
God Jul og Godt Nyttår
PUBLISERT 26.12.2016
FK Vang takkar alle for eit godt fotballår i klubben. Det har vore mange gode prestasjonar både på og utanfor banen. 2017 sesongen står for døra og i vane tro har FK Vang også dette året fyrverkeriutsalg i Synshagin næringspark. Åpningstid: Torsdag, fredag og nyttårseftan ca kl. 10.00 - 14.00
FK Vang - Vest Torpa: 3-2 (1-1)
PUBLISERT 09.10.2016
Tveit stadion kunstgras, søndag 9 oktober kl.15.00. Dommar: Kristoffer Nitter Leirdal. Assistentar: Svein Erik Slåttsveen og Finn Odvar Lebiko. Speaker: Kjell Magne Kvale. Publikum: ca. 20 stk. Fortjent seier til heimelaget i dag og godt med revansj frå våroppgjeret. Fyrste omgangen var jamn med seks sjanser til begge lag og 3-2 i FK Vang favør i cornerstatistikken. 1-1 var det også til pause og omgangens og kanskje kampen sitt høgdepunkt var Thomas Hilmen si perle frå 52 meter som gjekk i fin boge, og strauk akkurat under tverrliggaren og akkurat over Torpakeeperen si rekkevidde.
MBK - FK Vang: 7-1 (2-0)
PUBLISERT 01.10.2016
Børstad kunstgress laurdag 1 oktober kl. 13.00. Dommar: Nikolai Bratvold. Assistentar: Simen Storengen og Rolf Martinsen. Publikum: ca 20 stk. FK Vang reiste på kamp i dag med kun 11 mann. Kun 5 av dei som var med på forrige kamp var tilgjengelige i dag, så det vart mange endringar. Gjestene klarte seg rimeleg godt i fyrste del av kampen, sjølv om det var liten tvil om hvilke lag som var best. MBK har mange erfarne og gode spelara i stallen, fleire av dei med spel i høgre divisjonar i sekken. Marcus Thune Skeie og Jan Magne Almenning, begge guttespelara vart med til Hamar i dag, begge klarte seg godt sjølv om det også for dei blir vel tøft med 90 minutt.
FK Vang - Vind: 2-4 (1-2)
PUBLISERT 23.09.2016
Tveit stadion kunstgras fredag 23 september kl. 19.30. Dommar: Nils Arne Solberg. Assistentar: Finn Odvar Lebiko og Knut Sørhusbakken. Speaker: Ordfører Vidar Eltun. Publikum: ca 40 stk. FK Vang hadde ein god kamp i kveld, men brenner mange meget gode sjanser. Vind scorer alle sine fire mål etter slurv og dårlige avklaringer fra vår side. Sjansestatistikken vinn FK Vang klart, men det hjelper heller dårlig når måla uteblir.