FK Vang - Søndre Land: 3-0 (1-0)

PUBLISERT 5. august 2016

Tveit stadion kunstgras fredag 5 august kl.19.30.
Dommar: Arnfinn Botten.
Assistentar: Vebjørn Engeli og Knut Sørhusbakken.
Speaker: Nei.
Publikum: 15 stk.

Veldig godt med ein trepoenger for FK Vang. Søndre Land kjempa godt og var på ingen måte enkle og slå i kveld.
Kampen var jamn og spenninga var der fram til FK Vang putta sitt tredje 18 minutt ut i andre omgang.

FK Vang hadde fått heim fleire frå ferie til denne kampen og det er supert at Bjørn Tore Gundersen aksla FK Vang trøya igjen. Bjørn Tore skal i garden i oktober og blir med oss framover, han gjekk rett inn på stopparplass i kveld og klarte seg veldig godt.
Stilligskrig var det i starten av kampen utan dei heilt store sjansene.
Simen Strandbråten åpna scoringane i det 21. minutt etter å ha fått assisten frå Vegard Kjøs Egge. Simen scora med dette målet sitt åttande for sesongen og er klar toppscorar for klubben, han vart også valgt til kaptein på laget i kveld.
Søndre Land skapte ikkje så mange sjanser denne omgangen, men hadde tre cornera og fleire dødballar som heimelaget avklara mesterlig.
Andre omgang starter på samme måte som fyrste med stilligskrig. Det går 17 minutt før det løsnar for heimelaget med nydeleg spel og 2-0. Åsmund Bakkene har assisten til Vegard Kjøs Egge som scorar sikkert. Minuttet etterpå er heimelaget frampå igjen og punkterer kampen med nok ei nydeleg scoring. Simen Strandbråten scorar på suverent vis sitt niende og kampens tredje mål. Vegard Kjøs Egge har assisten på denne scoringa.
Søndre Land prøver og få utligning, men klarer det ikkje sjølv om eit par av sjansene dei har er store. Gjestene har også fleire cornera som blir godt avklara frå vår keeper og forsvar.

Alt i alt var dette ein god kamp av heimelaget med tanke på få samla treningstimar i summar.

Laget: Jarle, Sverre, Bjørn Tore, Kasper, Eirik, Vegard K E, Kim B, Øyvind, Åsmund, Kim K, Simen, Audun og Håvard.

Dagens mann på FK Vang vart nyvalgt kaptein og spiss Simen Strandbråten, Simen stiller opp frå kamp til kamp og kjører 20 mil på heimekamp og treningar. Det er berre og bøye seg i hatten, som det nye ordtaket lyder. Kasper Kjeldsen er også suveren på sin stopparplass og styrer bakre linjer godt. Kasper får sølvplassen i kåringa. Øyvind Kjøs Egge får tredjeplassen og spelar sin beste kamp for året etter mi meining. Også meget bra at Eirik lykkast så godt på sin nye backplass.
Heile 11 mann fekk stjerner i kåringa i kveld og det tyder på god jobbing av heile gjengen.

Trening i veka som kjem: Måndag kl. 19.00.