FK Vang - Snertingdal: 1-3(1-2)

PUBLISERT 29. juni 2014

Tveit stadion kunstgras 29 juni kl. 17.00.
Dommar: Svein Erik Slåttsveen.
Speaker: Vidar Eltun.
Publikum: 40 stk.

Snertingdal drog det lengste strået og kan ta sommarferie med full pott etter vårsesongen. Kampen i dag var jamn og poenga kunne gått begge vegar.

Frank Skoglund scora etter frispark frå Bjørnar Hermundstad i det 18. minutt. Snertingdal sin keeper klarte ikkje å halde ballen i feltet og Frank var flott frampå og pirka ballen inn i nota.
Ole Eirik Syversen hadde også eit fint skudd fem minutter før denne situasjonen, men Snertingdal sin keeper fekk fisla den over tverrliggaren.
25 minutt ut i omgangen blir me straffa hart av ein god spiss hos gjestene, FK Vang har corner som blir avverga og Snertingdal set fort igang. Spissen (Grøterud) på Snertingdal har scora jamt og trutt og får ballen og ingen av våre er på han, han går nokre meter og ser at vår keeper også er langt ute og dermed remis med ein fin langlobb.
Tre minutt seinar er samme spissen framme og pressar fram feil i våre bakre rekker, Snertingdal er i leing og held unna inn til pause.
4-2 i sjanser og 4-1 i cornerar for heimelaget kan væra ei trøst når dei fyrste 45 minutta er spelt.

Andre omgangen blir ikkje god av heimelaget, gjestene er heller ikkje særleg gode men scorar eit mål 10 minutt ut i omgangen.
Kampen ebbar ut med 1-3 og sesongens fyrste tap.

Det var små marginer, men FK Vang hadde to tabber som gav to mål. Mål preger som kjent kamper og denne er no historie. FK Vang har hatt ein utmerket sesong om me ser bort frå denne kampen, me bretter opp ermene og kjem sterkt tilbake på burtebane i Snertingdal.

Laget: Jarle, Henning, Frank, Bjørnar, Kai Arne S, Sverre, Anders, Erik S, Henrik, Vegard K E, Ole Eirik, Kasper, Håvard, Eirik og Vegard E 

Dagens mann vart Anders Skrebergene med god margin. Målscorar Frank Skoglund vart kåra til sølvplass, mens Bjørnar Hermundstad og Erik Sanne delte tredjeplassen.

Laget bestemte å ta 14 dagers treningspause og starter trening igjen måndag 14 juli kl. 19.30.