FK Vang - Varde: 5-1 (3-1)

PUBLISERT 3. mai 2013

Tveit stadion kunstgras 3 mai kl.19.30
Dommar: Svein Erik Slåttsveen.
Speaker: Vidar Eltun
Publikum: 15 stk.

FK Vang starta sesongen bra, med klar seier over Varde.
Dei fyrste 45 minutta hadde heimelaget mange sjanser og scora på ein tredjedel av dei.
I andre omgang hadde FK Vang ballen mest, men kom ikkje til så mange store sjanser utanom dei som måla vart scora på.
FK Vang scora også Varde sitt mål.
Frank Skoglund scora det fyrste målet i årets serie etter ein corner frå Tor Andre Rakstad. Mål nr. 2 var det også FK Vang som ordna, men desverre i eige mål.
Heimelaget gjekk opp i leiing etter halvtimen, etter god innsats av spiss Sverre Melby. Samme Melby putta også sikkert mål nr. 3 for FK Vang, etter passning frå Kim Kveno.
Femten minutt ut i andre omgang var Ole Eirik Syversen frampå og scora vakkert på eit langskudd nesten i vinkelen. Samme Syversen kom 7 minutt seinare rundt på vår høgrekant og la god passning til Sverre Melby som scora sitt tredje for kvelden. 
FK Vang hadde 16 spelara i troppen til kveldens oppgjer og alle fekk mykje speletid. God innsats av alle, og mykje bra spel. Moro at Kai Arne Kvale er tilbake, han er vel den i klubben som har scora flest mål gjennom tidene og fleire vil det koma.
Sverre Melby vart kåra til kveldens gigant. Anders Skrebergene og Tor Andre Rakstad delte andre plassen i kåringa.

Laget: Jarle H, Tore, Frank, Bjørnar, Anders, Kristoffer, Tor Andre, Kai Arne S, Kim K, Sverre, Kim B, Kai Arne K, Kasper, Vegard Eltun og Ole Eirik.

Kampen:
1-0, 6 min. Frank Skoglund (Tor Andre Rakstad)
1-1, 15 min. Selvmål
2-1, 30 min. Sverre Melby
3-1, 35 min. Sverre Melby (Kim Kveno)
4-1, 60 min. Ole Eirik Syversen
5-1, 67 min. Sverre Melby (Ole Eirik Syversen)

 
Trening neste veke: Måndag kl. 19.30 (Kamp borte mot Snertingdal onsdag kl. 19.00)