FK Vang - Snertingdal: 7-1 (3-1)

PUBLISERT 9. august 2013

Tveit stadion kunstgras 9 august kl 19.30.
Dommar: Svein Erik Slåttsveen
Speaker: Ferie
Publikum: 10 stk.

Det var klasseforskjell på laga i kveldens flomlyskamp. FK Vang spelte sin beste kamp for året og sendte Snertingdølene heim med 7 mål i sekken. Erik Sanne og Stein Ivar Sørengen var begge nye i startelleveren, Erik med overgang frå Fagernes IL og Stein Ivar med comeback.Begge desse og resten av laget spelte opp mot sitt beste og utklassa serietoeren med fin fotball. 
FK Vang mangla blandt anna sin faste keeper i kveld, men Kai Arne Kvale mønstra med hansker og hadde ei trening i mål før oppgjeret. Kai Arne sto dei fyrste 45 minutta og Erik Martinsen sto i andre omgang, han hadde ingen trening bak seg. Begge to hadde lite å gjera, men løyste bra dei prøvene dei vart sett på.
Måla kom på denne måten:
Corner FK Vang frå venstre side ved Tor Andre Rakstad, Kasper Kjeldsen vinn hodeduellen og scorar sikkert etter 15 minutt.
Innbyttar Erik Martinsen har spelt kun 1 minutt då han får passning frå Vegard Kjøs Egge og legg ballen til venstre for Snertindal sin keeper i det 30. minutt.
Snertingdal scorar sitt mål etter corner i det 45 minutt, det var kun denne sjansa dei hadde i fyrste omgang.
FK Vang får sitt tredje mål på overtid i fyrste omgang, corner igjen frå Tor Andre Rakstad som Stein Ivar Sørengen pressar ein Snertingdøl til å score sjølvmål.
Pause.
49 min. Kai Arne Kvale med ein fin pasning til Erik Sanne som scorar meget sikkert i lengste hjørne.
55 min. Kasper Kjeldsen med passning fram til Sverre Melby som spring i frå alle og legg på til 5-1.
57 min. Sverre Melby vinn ballen tilbake etter ein duell og ordnar 6-1 på elegant vis.
64 min. Sverre Melby med pasningen til Kai Arne Kvale som scorar FK Vang sitt siste mål i toppkampen mot Snertingdal.
Meget bra i karakter til FK Vang etter denne kampen, viktig med rutinen som dei nye spelarane tilfører laget. 
Erik Sanne blir kåra til dagens FK Vang spelar, han var meget viktig med sin prat og ro. Han gjer dei rundt seg gode og er ein stor tilvekst til FK Vang.
Kasper Kjeldsen og Kai Arne Sandhaugo delte andre plassen i kåringa.

Laget: Kai Arne K, Kristoffer Kvale, Bjørnar, Kasper, Stein Ivar, Eirik, Kai Arne S, Erik S, Tor Andre, Vegard K E, Sverre og Erik M

Trening tysdag og torsdag i veka som kjem og kamp mot Bagn på fredag 16 august kl. 19.00 i Bagn.